2010新春橫行北海道 (Day 11) 十勝川觀月苑(狐狸出沒注意) ->Tomamu Alpha Resort

2010新春橫行北海道 (Day 11) 十勝川觀月苑(狐狸出沒注意) ->Tomamu Alpha Resort

19/2/2010 (年初六) Day 11 早上
今朝起身外面天氣落緊雪.

朝早溫泉水吾係好夠熱..... 有人浸緊溫泉之際, 係度大叫有狐狸呀 ! 快啲影相呀 !

" 狐狸出沒注意 "
即刻上好長鏡頭, 向對面河對焦, 真係有隻狐狸呀 !
狐狸慢慢行.... 由左面行向右面....... 遠睇都幾大隻架喎 !

呢隻野生狐狸都幾肥架喎.... 有個肚腩仔.....

嘩..... 放大左張相睇.... 毛茸茸的中肥狐狸.... 好可愛呀 ! 朝早在河邊搵食物....

慢慢望住狐狸消失於草叢間......
今朝早餐係自助餐. 比較日式, 有好多種漬物, 用黎送飯.

餐廳對出望住河邊.

早上10:00 Check-out 後, 要為架車掃走啲雪...... 先可以開車出發.

帶廣 -> Tomamu Alpha Resort    84 KM   1 Hr 18 min
十勝清水 -> 占冠       IC料金1,350円
中途要去加油先, 呢間油站入油支油鎗係上面吊落黎入油, 都幾慳地方.

由帶廣往占冠途中, 都經過好多條隧道, 仲要全程都係落斜隧道......

車程大約一小時三十分左右, 就到左占冠
Tomamu Alpha Resort      Tel : 0167-58-1111
【おめでとう2010】リフトかプール選べる♪朝食付
ザ･タワー／スタンダード　ツインルーム The Tower（25㎡）
朝食, 爬山電梯個人1宿1張(件)或溫泉住宅1日券(１日券をお一人様１泊１枚)
¥8,000円 x 2

早上12:00 就到左酒店, 即刻 check-in 都即刻有房間俾我地.
幾好吾駛等到下午3:00 先攞房, 可以瞓個午覺休息下.

房間都吾錯, 我鐘意望出去夠高35樓.

瞓左一陣就出去用張爬山電梯卷, 坐吊車上山睇下先.
上山中途好大雪呀 !

上到去最高..... 全部都係呢度滑落去... 得我地兩個要搭番吊車落番去.....

晚餐係 The Tower ~ AZALEA 餐廳
叫左兩個意粉, 份量都幾大碟

係 The Tower 搭 shuttle bus 去 Villa Sport 個度落車, 即係Viz Spa House 室內游泳池 門口落車, 轉右行入去就係 Ice Village

Ice Village

冰之Restaurant, 係2010年冬天開幕.

裡面都幾大, 有十多張枱.

雖然食左晚餐.... 但係我地都一於入去坐低幫襯下, 感受一下冰之Restaurant 氣氛.

Menu主要供應2個芝士火鍋套餐, 1個冷盆, 紅白酒及果汁.

咁凍咁係 order 2杯富良野紅酒試下.....

冷盆係三文魚及三文魚子沙律. 我唸我地都傻傻地... 咁凍仲食沙律.....
不過剛剛食完飯, 如果吾係我會叫芝士火鍋試下......

食食下... 就開始覺得凍... 餐廳有提供毛毯俾客人保暖.
係度坐下... 影下相..... 不知不覺係度坐左一個鐘......
冰之Restaurant 幾好氣氛.... 建議晚餐改係呢度食芝士火鍋. 原本以為好多人會係冰之Restaurant 食飯, 但原來好多遊客淨係係門口影張相, 至於入內坐低 order , 吾係好多人.

跟住行去參觀冰之Hotel, 如果冰之Hotel當晚冇住客入住, 就可以俾遊客免費入內參觀.

冰之Hotel ~ Lobby

坐落張冰椅度係會跣跣地架.

呢間冰之房間, 就係 Tomamu website 中示範房間.
其實房間內全部都係冰, 都吾知點瞓..... 洗手間又要另外走出去.....

呢間房室外有個風呂.... 其實就係放左個浴缸再用冰封左....

呢間係日式冰之房間, 有張冰之tatami, 冇人係度可以坐上去影相.

呢間係北歐冰之房間.

行到去冰之Bar,

全間冰之Bar 裡面都係藍色調..... 感覺好正 !

1,300 yen (一隻冰杯連飲品), 我地叫左一杯冰橙汁.

入到黎, 個個都係貪得意叫一杯兩份飲.

呢條冰樓梯可以上上層坐位.

係上層望落去.
飲完啲橙汁之後, 問左原來可以攞走隻冰杯番房. 待應仲幫你洗走啲橙汁, 之後俾埋個膠袋包住俾你拎走.

冰之Atelier ~ 呢個地方俾你自己整冰杯.
800 yen 俾舊冰你自己慢慢整...... 仲可以幫你送番屋企(只限日本) ......

放眼所見, 有一家三口係度整, 不過係得阿爸好努力咁椿舊冰, 媽媽&囡囡坐係度睇.

呢對情侶各自好努力整冰杯, 加油 !
其實吾駛整得咁辛苦, 俾1,300 yen 有冰杯攞走仲有得飲.

去到 snow garden 俾左500 yen 買左一包煙花燒黎玩.

攞走隻冰杯番房, 係用黎飲綠茶...... 拎到番房都仲未溶.... 犀利.

冰綠茶.... 慢慢嘆.....