北海道溫泉體驗 - (Day 3) 朝里川溫泉 - 宏樂園 (2)

北海道溫泉體驗 - (Day 3) 朝里川溫泉 - 宏樂園 (2)

朝里川溫泉 - 宏樂園

食完晚飯, 就要好好享受下私人露天溫泉.
不過原來要係 零度溫度, 係室內行出去室外, 係好需要勇氣的.

由室內溫度 20度, 衝出去零度室外. 仲要小小翼翼慢慢步出, 因為室外地面都有很多雪, 要小心行, 如果吾係跣低就吾係幾好.  成功到達目標, 浸入溫泉, 啊 !!! 舒服晒 ! 暖晒 ! 好舒服 !
一路浸, 仲落緊小雪, 好浪漫呀 !
這晚, 我地都浸左 3次溫泉. 浸番夠本.

北海道溫泉體驗 - (Day 3) 朝里川溫泉 - 宏樂園(1)

北海道溫泉體驗 - (Day 3) 朝里川溫泉 - 宏樂園(1)

11/2/2010 Day 3 - 朝里川溫泉 - 宏樂園

今次計劃這個北海道之旅, 要睇雪, 睇流冰, 睇天鵝, 睇丹頂鶴, 浸吾同溫泉. 體驗吾同溫泉, 今次旅程都可以說是溫泉養生之旅. 整個行程住5間溫泉旅館, 浸吾同泉質的溫泉.

宏樂園溫泉旅館的住宿, 我已經早在10月的時候通過電郵向旅館預訂房間了. 過左2個月我曾經要更改住宿日期, 好好彩當時都仲有房可以俾我改日期.

等左幾個月, 等到頸都長左, 終於今晚可以入住這間溫泉旅館, 仲可以試埋部屋食.
我都係第一次住這類型傳統溫泉旅館.

由小樽往朝里川溫泉區, 其實大約半小時到達. GPS 又帶我地行埋啲小路捷徑. 出左小路轉大路, 一出就見到呢個大招牌 " 宏樂園 "

擺低行李, 先去前堂部, check-in 先, 呢個就係宏樂園大堂.

2010新春橫行北海道 (Day 3) 自駕往場外市場->小樽

2010新春橫行北海道 (Day 3) 自駕往場外市場->小樽

11/2/2010 Day 3 札幌場外市場->小樽

今日開始自駕遊啦 ! 早上先去 big camera 買番個腳架先, 之後再去 Toyota 攞車,
這架就係陪伴我地10日, 周圍去的 1,500c.c Corolla, 原本唸住租架 幾百 c.c 車仔, 但係有朋友叫我地最好租架 1,500 c.c. 碼力強啲, 行雪地好啲.

攞左車之後, 先輸入場外市場 - 北之漁場的電話號碼, 初初睇佢個 gps, 吾係好慣, 途中有時要轉入路口, 我地過左龍, 雖然 gps 會重新顯示一條新路, 但係原本 30分鐘車程, 俾我地行左 1小時才到.

2010新春橫行北海道1,516公里 Day 2 (小樽雪燈之路)

2010新春橫行北海道1,516公里 Day 2 (小樽雪燈之路)

吾知點解, 我19號出左以下這篇blog, 但係呢幾日睇番, 忽然成篇 blog 吾見左. 唉..... 唯有打過.
10/2/2010 Day 2 : 大通雪祭 -> 狸小路 -> 小樽雪燈之路. 行完雪祭之後, 去左狸小路買馬油用, 同去初代一國堂食拉麵.

叫左這個鹽味拉麵, 隻糖心蛋真係好好味, 雖然話鹽味但係整碗拉麵都好清, 正呀!

2010新春橫行北海道 1,516公里 Day 1 & 2 (札幌雪祭)

2010新春橫行北海道 1,516公里 Day 1 & 2 (札幌雪祭)

9/2/2010 - Day 1  
香港 -> 東京 -> 札幌

去到札幌機場都已經係晚上8:30.
晚上九時多才去到今晚住宿酒店 FINO HOTEL, 係JR北口行2分鐘就到, 真係好近.

15天北海道之旅 ! 大滿足 !

15天北海道之旅 ! 大滿足 !

終於安全番到香港, 今次15天之旅, 計劃的行程大部份都成功到達, 除左那個然別湖, 俾GPS 老點左, 去吾到之外, 其他地方都去到.

今次我地駕車橫行北海道總共行走左 1,516 公里. 係北海道繞了一個圈. 今次行程非常滿足開心, 年初一我地仲玩左知床流冰漫步, 真係好好玩, 落冰海游水, 真係好好玩 !

至於駕車有吾少烏龍事, 例如: 揸車揸埋路邊, 錯誤估錯以為係雪平地, 誰知車子左邊陷入厚雪中, 最後搬晒行李出黎, 先可以揸番架車上馬路. 好彩 ! 好彩 !

仲有JOE 少在這個行程中, 成日留低嘢, 跌嘢.... 包括係小樽走的時候, 吾知係邊度留低腳架。 玩流冰漫步時候, 防水相機條頸繩俾冰割斷,  好在接得住, 差啲相機連相片都冇埋。至於模特聾貓都跌在係知床海邊的防波碮內，移民左去北海道 。