2007年8月14日 星期二

Bon & Fa 的第二天


Bon & Fa 的第二天

Bon & Fa 的第二天, 開始適應新地方, 而且Bon Bon 仲識得爬出籠啊 ! 真古惑 ! 而且成日喵喵叫, 叫人入房.
晚上又開罐罐俾佢地食, 食到........ 吾夠5分鐘, 佢同你食晒啲濕糧, 真係犀利 !

2007年8月13日 星期一

新成員駕到 Bon Bon & Fa Fa 到家的第一天


新成員駕到 Bon Bon & Fa Fa 到家的第一天

8月12日 ~  係Bon Bon 邦邦 & Fa Fa 花花 到我們家的大日子.
一早起來便打掃清潔,拖地, set up 貓仔們的新居, toilet, 飲食器皿. 中午便出發接小貓回來.
現在三個月大左右, 還是很細細的, 一回到家便即刻放進房裡, Bon Bon & Fa Fa 一落籠, 便即刻入去貓貓帳篷, 細貓係要時間適應, 大約到晚上, 便開始由帳篷出來行下啦. 

 Hi ! My name is Bon Bon 邦邦 ! 
 
晚 上每貓有1/4罐罐食, Bon Bon & Fa Fa 好似好肚餓咁, 不停食, 食到一啖都冇剩, 好乾淨. 佢地都幾食得, Fa Fa 仲吾夠, 仲要食左半碗乾糧, 咁食得應該好肥下, 點解你咁瘦嘅, 梗係吾夠其他貓爭食啦. 佢地食完, 到我地幫貓仔們清潔耳仔, 清潔完後, 佢地好似好疲倦, 自己爬入帳篷內瞓覺覺豬啦 !  好好瞓呀 ! 閃光燈閃都吾醒 !

2007年8月6日 星期一

澳門的古怪街名


澳門的古怪街名

澳門有很多古靈精怪的街道名, 每經過一條擁有古怪名的街道, 我都忍不住影下來, 有些名好似好恐怖, 有些真的好古靈精怪.
白粉村 ~ 成條村並不是食白粉, 而是以前這裡有一間戒毒所, 所以此村以此為名.
爛鬼樓巷 ~ 個名好恐怖啊 ! 不過原來同鬼屋 無關 ! 而是這條街以前有很多地攤售賣二手物件, 現時全部都是地舖售賣舊物品,舊書.....
跛腳梯 ~ 梯怎麼會跛腳的呢 !


賊仔圍 ~ 吾通這裡有很多賊仔 ?
乙水 仔的十月初五馬路