2010新春橫行北海道 (Day 9)晚上 驚喜萬分的三余庵創作和食懷石

2010新春橫行北海道 (Day 9)晚上 驚喜萬分的三余庵創作和食懷石

17/2/2010 (年初四) Day 9 晚上

今晚會係料理餐廳 "春秋" 品嚐創作和食懷石.

好期待今晚的和食懷石, 因為訂房之後, 三余庵傳電郵黎問有冇食物敏感, 有冇吾鐘意食什麼食物, 喜歡食什麼食物, 經過左幾次電郵來往之後, 我地係呢餐加左料, 加錢食一啲我地想食好耐的食物, 但係未食過. 加錢的銀碼又吾係好貴. 同埋係三余庵食呢樣食物, 應該信得過......

餐前酒.

今晚我地的晚餐的菜單.......

第一道菜 ~ 先附
豆腐裡面有十勝產紅豆...... 仲有隻碟好靚.....

第二道菜 ~ 前菜

其實睇住菜單黎食, 都幾得意, 可以估下呢個 " 蝦 X 飽"

第三道菜 ~ 平目煮凝壽司, 銀杏, 松葉

第四道菜 ~ 下關產河豚刺生.
但係擺隻蝦係度做裝飾好奇怪, 不過河豚刺生都片得好薄.....  點埋啲酢伴食, 都幾鮮甜. 前面有啲一條條... 吾知係河豚那一個部位, 但係就好爽好好趙口........

第五道菜 ~ 鍋物 ~ 下關產河豚鍋

鍋物, 絕對吾需要食客動手放食物落去, 服務員會幫你整.

以下呢碗河豚, 服務員夾幾下, 就變出以下呢碗食物來, 我覺得佢擺得好靚, 絕對不是求其放下去.... 絕對令你有視覺的享受, 同埋味覺享受.

第六道菜 ~ 燒物  ~ 黑毛和牛 或 燒蟹腳.
黑毛和牛..... 得四塊.... 好少不過好好味... 每一啖都慢慢食.....小食多滋味...

燒蟹腳 ~ 都幾吾錯....

其實食到呢度..... 已經好飽滯了..... 都吾知點樣繼續食落去....
係呢個時候.....  就黎左呢個小碗.....

我地係度不停估, 呢樣究竟是什麼 ? 係鹽 ? 一陣用來點食物 ?
但係三余庵連鹽都搵個咁靚嘅碗黎盛 ? 一頭霧水 ?????

終於我試一啖先.... 咦....咦....咦........ 真係估佢吾到  !
整到好似鹽咁樣 ! 原來係 Lemon sorbert ! 嘻嘻 ! 終於揭開迷底 !
等我地估左咁耐..... 原來知我地食到開始飽滯兼味覺開始遲鈍之際....
整個 Lemon sorbert 俾我地醒醒胃, 同埋令你味覺醒番.....
將個 Lemon sorbert 整到好似鹽咁.... 真係得呀 !

食完醒胃過場甜點....... 就繼續......
第七道菜 ~ 揚物 ~ 河豚唐揚.
好在食左 Lemon sorbert, 先可以好開心咁繼續食落去.....

第八道菜 ~ 酢物  ~ 燒茸, 蟹柳, 三文魚子.

第九道菜 ~ 食事
 ~ 人參, 牛蒡, 薩摩芋一齊煮的湯飯.

第十道菜 ~ 甘味 ~ 甜品.
整左呢個甜品出黎, 真係好驚喜呀 ! 仲要寫埋字 ! 嘻嘻 !

食完之後, 俾左宵夜籃子俾你伶上房食, 內有腐皮壽司.

三余庵大堂夜景.

食完好飽.... 要行下... 由三余庵有條路可以行去同一集團的十勝第一溫泉旅館. 不過冬天個條路冇暖氣... 凍到我地.... 快步走去十勝第一. 
十勝第一呢邊好熱鬧..... 好多人.... 剛剛酒店係度椿緊日式年榚.....

參觀完十勝第一, 就行番去三余庵. 番到房已經開左 tatami.

今日夜景好靚..... 天好清, 冇落雪... 見到月亮.....

係時候再嘆下呢個美人之湯.....

一路浸溫泉, 一邊望月亮....... 慢慢嘆.......