新仔報到 ! (叉燒包篇)

新仔報到 ! (叉燒包篇)

最近都好忙, 冇時間出 Blog 同睇各貓友的Blog. 抽空出過新仔報到啦 !

新仔叉燒包已經來了我家有一個月啦 !

叉燒包 ~ 芳齡 : 3歲, 體重 : 好重 ! (重過Oscar)

三圍 : 40, 40, 40 !!!  大啤梨身形 !

叉燒包最鐘意 :瞓覺 (鐘意打側瞓同向上瞓) , 食嘢.

仲有好鐘意伸條招牌脷仔出來.

一個月啦 ! 佢都好快適應新居的環境, 同其他貓都相處良好, 仲好鐘意同邦邦玩啊 !

成日跟住邦邦走來走去, 不過玩玩下, 就成個肥身擒上邦邦瘦小的身體上 !

我地當然即刻出聲阻止啦 ! 如果吾係, 壓扁邦邦啊  !

大被同眠

大被同眠

上星期天氣寒冷的時候, 居然俾我見到呢個難得一見的奇景.

Mimi 同 Oscar 居然瞓埋同一張貓床啊 ! 嘩 ! 我非常開心 !

因為佢地終於可以咁親密啦 ! 而 Mimi 居然無走貓喎. 仲瞓得鬼咁冧.

這張相影得好似好親密咁 ! 原來 Oscar 痴得好埋, 可能取暖啊 !

咁大張床,  Mimi 佔左大部份位置, Oscar 縮埋係一角, 但係都照瞓.

聖誕又貓又狗狂食派對

聖誕又貓又狗狂食派對

聖誕派對預備篇

除了烹調派對食物之外,

連我家成員都要變身做聖誕貓小姐及貓先生, 齊來慶祝慶祝 !

靚曝鏡的聖誕Mimi小姐

黑面靚仔聖誕Oscar仔

仲有瞓覺瞓到不醒貓事嘅聖誕豆腐花小妹妹

有冇發覺少左邦邦, 因為聖誕前邦邦去做左絕育手術,

所以今晚派對冇聖誕公公邦邦份啦 !

要閉關休養啊 !

換上漂亮的紅格仔枱布, 成間屋好似有點聖誕氣氛.

不過換好枱布後, 兩個百卦精即刻上枱試下坐, 試瞓 !   

仲要擺左這個 "向左擺, 向右擺,  Bye Bye你條尾 "

聖誕派對食物篇

今次派對食物有啲係第一次整架 !

 自家製碗仔翅係第一次整, 特別鳴謝

姪仔栢豬教我地整這道菜,

自己整特別好食 !

聖誕派對全餐

特別加映 ~ 貓狗同場小插曲