18/2/2010 (年初五) Day 10 早上 ~ 三余庵
早上起來, 地面已經有一層層薄雪在地上.
原來後面個張紙門,係可以推開, 望出去雪景好靚.
呢棵樹都佈滿結霜.....
影下結霜相片先.
特登郁下棵樹, 結霜就好似落雪咁......
係時候食早餐. 同係晚餐的地方一樣 " 春秋 "
早餐係半自助式, 沙津, 果汁, 牛奶 ; 自己出去攞.
早餐有日式及西式俾你選, 昨晚晚餐完結後, 已經問左我地食日式或西式早餐.
日式早餐 ~
我選左西式, 食左幾日日式早餐, 轉下口味.
栗米湯好正呀 ! 原本冇唸住食右下角小碟, 咁食左一粒, 嘩 ! 雖然個樣麻麻地, 但係呢粒十勝紅豆好大粒, 仲好甜好好味. 就係因為呢碟紅豆, 我決定要去帶廣市超級市場買番幾包十勝紅豆番屋企煮紅豆沙......
食完早餐, 悠悠閒閒坐下.
睇下書, 不過全部都係日文, 吾識睇.
又或者玩下豆袋......
跟住就入去溫泉參觀一下.
番房就收拾行李, 11:00 要 check-out 啦. 果然好多住客都係最後一刻先黎check-out, 善用所有住宿時間享受.
開車時候, 旅館職員係門口送客, Bye Bye !! 真係好吾捨得.
我地係駕車途中, 進行住後檢討, 一致認為房間, 服務, 住宿, 溫泉. 每項我地都俾滿分. 雖然住宿價錢係我地呢個 trip 咁多間最貴. 但係都覺得值得嘅! 除此之外, 細心服務仍都俾左驚喜我地..... 下次有機會再黎北海道, 我會再黎三余庵住.
上午11:30 出發往幸福駅
十勝川溫泉 -> 幸福駅 30min
幸福駅 MC : 396 874 022
帶廣市 -> 國道 236 -> 音更帯広 -> 帯広ＪＣＴ ~ IC料金 250円
去到幸福駅, 已經落緊雪.....
之前睇左好多介紹, 已經好想黎呢度, 通常遊客都係夏天黎幸福駅參觀.
今次我地冬天黎, 冬天雖然沒有綠油油的草地, 但係就有白茫茫雪景做襯托, 都別有一番景致, 我就覺得落住微微雪粒的幸福駅都好浪漫.
黎到呢度更要拉下個 " Happy Bell "
仲要同張巨型幸福駅車票影下相, 好開心 ! 後面賣紀念品小店, 裡面的幸福駅紀念品都係幾百 yen, 買黎做手信都幾吾錯.
係幸福駅影下相, 買下紀念品, 都玩左一個鐘. 出發往下一個目的地.
帶廣車站 ESTA MC : 015-523-2181
帶廣車站 ESTA裡面有一層專買十勝地道手信.
午餐食帶廣豚井 - 桔梗 ~ ESTA西館內
桔梗係一間小小店, 只可以坐2-3枱客.
叫左個豚井, 即叫即整, 都等左10分鐘先有得食.
以下呢碗係帶廣豚井, 豬肉燒得幾好味, 吾會硬, 有肉汁. 伴埋下面飯食好味 !
呢碗係帶廣豚井混合左煙肉部位, 燒得剛剛好, 幾好食.
食完午飯, 就行出去帶廣市區搵六花亭本店, 食甜品.
六花亭 本店 Tel : 0120-012-666
六花亭本店, 地下係甜品買場, 樓上就係甜品cafe. 好多人係度嘆茶傾計.
睇左 menu, 有幾樣都想試.
凍凍地試左熱紅豆湯年榚先...... 即刻暖晒.....
整件朱古力蛋糕....
再試呢度有名的 "忌廉奶油酥卷 ". 原來係凍食, 一刀cut 落去, 佢嘅酥皮係吾會散. 可以用刀慢慢一片片cut 出黎食...... 味道吾係太甜, 我覺得剛剛好, 裡面好似係忌廉+奶油混合味道. 呢件酥餅真係好食.
我覺得呢個酥卷做到吾會散開, 真係好正 !
試埋紅豆雪榚..... 呵呵呵.....
食左四樣甜品, 埋單都係 1,350 yen. 呢個下午茶真係抵食又好味 !
下午茶後, 又再開車去今晚旅館, 都係住係十勝川, 因為今晚要去睇十勝川彩凛華, 所以係十勝川住2晚.
原本想住十勝第一, 但係呢晚係 Fully booking 訂吾到房.
所以今晚住宿觀月苑, 都係見佢有個 平plan.....
觀月苑 Tel : 0155-46-2001
【謝恩得価】十勝川を楽しむ！客室露天で温泉三昧
露天風呂付客室（和室８畳お二人用）最上階の全河畔向 13,xxx円
風呂付客室（和室８畳お二人用) ~ 房間比較細, 但係企埋乾淨.
開左呢度門就係風呂..... 其實望住十勝川都幾好 view.
呢個就係風呂.... 望住十勝川景色, 不過好似細左啲. 同埋溫泉水溫吾係好熱.
房間望出去就係十勝川河....
雖然房間細左啲, 但係外面景色就好靚.....
晚上晚餐係食事處 ~ 千華
晚飯後再係旅館等 shuttle bus 去彩凛華. Shuttle bus 係觀月苑開車, 途經十勝第一, 之後直接去彩凛詩場地. 其實都好近, 幾分鐘就到場地. 回酒店 shuttle bus 會係1小時後先開車. 所以要係彩凛詩逗留一小時.
剛剛到達, 見到一排排燈光跟住音樂閃動.
周圍行下, 搵個靚位影相....
呢度行入去, 有個室內足湯. 裡面有小食賣.
行左幾個圈, 睇下有什麼玩, 玩個吾駛錢嘅 ~ 冰凍肥皂泡.
冰點之下, 吹肥皂泡吾會爆喎.... 等我地又試下先..... 吹完之後 hold 到30秒度就爆.
我地未玩肥皂泡時候, 係冇人玩架, 到我地玩緊時候, 就好多人走埋黎搵肥皂泡玩啦.
今晚係 -12度, 好凍.
落車時候, 所有人都一窩峰行上展望台, 整到展望台好多人, 好驚佢過重.
兜左幾個圈之後, 展望台冇咁多人, 就行上去望下.
果然係展望台睇係最好. 跟住音樂變色, 真係好靚.
九時上番酒店車, 番酒店瞓覺.
早上起來, 地面已經有一層層薄雪在地上.
原來後面個張紙門,係可以推開, 望出去雪景好靚.
日式早餐 ~
開車時候, 旅館職員係門口送客, Bye Bye !! 真係好吾捨得.
我地係駕車途中, 進行住後檢討, 一致認為房間, 服務, 住宿, 溫泉. 每項我地都俾滿分. 雖然住宿價錢係我地呢個 trip 咁多間最貴. 但係都覺得值得嘅! 除此之外, 細心服務仍都俾左驚喜我地..... 下次有機會再黎北海道, 我會再黎三余庵住.
十勝川溫泉 -> 幸福駅 30min
幸福駅 MC : 396 874 022
帶廣市 -> 國道 236 -> 音更帯広 -> 帯広ＪＣＴ ~ IC料金 250円
去到幸福駅, 已經落緊雪.....
今次我地冬天黎, 冬天雖然沒有綠油油的草地, 但係就有白茫茫雪景做襯托, 都別有一番景致, 我就覺得落住微微雪粒的幸福駅都好浪漫.
帶廣車站 ESTA MC : 015-523-2181
帶廣車站 ESTA裡面有一層專買十勝地道手信.
午餐食帶廣豚井 - 桔梗 ~ ESTA西館內
桔梗係一間小小店, 只可以坐2-3枱客.
叫左個豚井, 即叫即整, 都等左10分鐘先有得食.
以下呢碗係帶廣豚井, 豬肉燒得幾好味, 吾會硬, 有肉汁. 伴埋下面飯食好味 !
六花亭 本店 Tel : 0120-012-666
六花亭本店, 地下係甜品買場, 樓上就係甜品cafe. 好多人係度嘆茶傾計.
所以今晚住宿觀月苑, 都係見佢有個 平plan.....
觀月苑 Tel : 0155-46-2001
【謝恩得価】十勝川を楽しむ！客室露天で温泉三昧
露天風呂付客室（和室８畳お二人用）最上階の全河畔向 13,xxx円
剛剛到達, 見到一排排燈光跟住音樂閃動.
我地未玩肥皂泡時候, 係冇人玩架, 到我地玩緊時候, 就好多人走埋黎搵肥皂泡玩啦.
兜左幾個圈之後, 展望台冇咁多人, 就行上去望下.
九時上番酒店車, 番酒店瞓覺.
沒有留言:
張貼留言