Merry Christmas !!!

Merry Christmas !!!

由莉詩 , Joe, Mimi, Oscar, 花花, 邦邦, 叉燒包, Collin

同人& 同貓

祝各位 Merry Christmas & Happy New Year !!!

新貓貓型屋

新貓貓型屋

新貓屋終於到左啦 !

家中管家仔 Oscar 第一時間檢查包裹.

登登登登

大家姐Mimi 先試下好吾好住先. 周圍索下.

又企下, 試下高度啱吾啱佢心水.

又坐下, 睇下啱吾啱佢身型同手型.

Mimi : 唔...... 都吾錯...... 收貨啦 !

E : 老細 ! 你肯收貨真係太好啦 ! 記得多啲幫襯喎 !

Mimi : 唔....... 吾好阻我休息. 你地整其他嘢.

Mimi 真係好鐘意呢個新貓屋, 使用率非常高 ! 真係冇買錯.

這個貓屋又容易清潔, 貓貓流線外型非常討好.

現在通常都係叉燒包同Mimi 用多.

Colin 新Look !

Colin 新Look !

Colin 俾獸醫鏟左頸部位置啲毛毛. 在醫生度, Colin 好乖完全冇 fee 醫生.

返到屋企, 順便幫佢修剪下 Pat Pat 啲毛, 吾駛咁長, 乾淨啲麻.

一幫佢剪, 即刻 V 嘩鬼叫, 叫到勁大聲, 仲想反口咬我, 好彩我縮得快.

呢個 Colin 分明蝦我, 獸醫幫佢鏟毛鬼咁乖, 聲都吾敢出.

我地幫佢修剪一下, 叫到鬼殺咁嘈好似劏豬咁, 俾佢激死 !

我知佢好貪靚, 吾鐘意剪毛, 不過無計啦 ! 慢慢留番長啦 !

仲有經過一星期, 我地無直接介入家中貓事糾紛之後.

Mimi 好似無咁驚 Colin , 由得 Colin 近距離啤佢, 都吾埋佢.

亦都試過 Mimi fee 番 Colin, 嚇到 Colin 躲入按摩椅底.

不過高下仲未分, Colin 得閑就會眼啤啤Mimi.  

這個新裝, 都幾好笑, 好似得番個頭 !

袋鼠邦

袋鼠邦

屋企六貓之中, 終於有一隻鐘意坐嘅貓 " 邦邦 "

邦邦由六個月大之後, 忽然無時無刻都坐在地上,

之前專係坐係啲枱底, 好黑影吾到相.

今次坐係張飯枱上, 先可以影到邦邦啲相.

邦邦坐得好鬼得意, 有時坐到好似飲醉酒 ~ 醉酒佬. 

有時坐到好似袋鼠咁, 澳洲啲袋鼠又係好鐘意咁坐,

邦邦個肚腩仔又大大地, 肚仔坐到頂起左.

坐到好似食滯左, 摸肚腩.

這張坐到好大爺咁 !

屋企開大餐 ~ 北海道美食速遞

屋企開大餐 ~ 北海道美食速遞

去完北海道番黎之後, 成日念念不忘係北海道食海鮮.
終於俾我搵到一間專做北海道海鮮批發速遞, 打個電話, 有專人送貨上門.
今次係屋企開大餐 :
花咲蟹(Hanasaki), 這隻係雌, 會多啲膏. 

拆開之後, 蟹蓋好多膏呀 ! 正呀 !

蟹腳好多肉呀 !

嘩 ! 這隻蟹真係吾錯, 又多肉, 又多膏, 而且蟹肉非常鮮甜. 好食過 King Crab 好多.

仲有超大隻帶子及蟹柳刺身. 帶子好厚肉鮮甜, 口感滿足 !

今次這隻蟹我地三個人食都感到有點食吾晒, 下次四個人食差不多.

夏之北海道 ~ Day 4 & 5 (美瑛、富良野、夕張蜜瓜、支笏湖)

夏之北海道 ~ Day 4 & 5 (美瑛、富良野、夕張蜜瓜、支笏湖)

美瑛、富良野
不用介紹了, 睇相吧.

當天的天氣非常好, 藍天白雲, 很曬呢 !

午餐食陶板燒, 之後做了一個薰衣草小枕頭, 原本只包一小杯薰衣草,
可加 100 Yen 多一杯薰衣草加進枕頭內, 令小枕頭薰衣草香味更持久.

夕張蜜瓜
睇完, 影完花. 乘了2個多小時車程去夕張市食夕張蜜瓜.
我們去了夕張市的農協食佢地提供的任食蜜瓜.
嘩 ! 估吾到真係任食架 ! 一盆盆蜜瓜捧上枱上. 見你地食完, 又再捧一盆.
嘩 ! 夕張蜜瓜真係正 ! 有果香味同甜味一流 !
我都食左 1個半蜜瓜. 蝦子餅食左 2 個蜜瓜. 抵番晒 !
不過真係食得好飽, 捧住個肚. 今次真係食左一年份的蜜瓜 !

食得咁飽, 番到去札幌行下街街. 消化了很多.
是日晚餐 : 自已燒自己食
今次訂了一客神戶牛柳慢慢燒.

仲有訂了一隻鮑魚燒. 鮑魚都幾厚同幾大隻.

夏之北海道 ~ Day 5 (支笏湖、Rera Outlet)
係支笏湖散步, 非常舒服.

Rera Outlet
好大的 Outlet, 好多嘢賣, 我覺得這個outlet 比東京某些 outlet 還好.
下次真的要預一天時間慢慢行.

在機場買了上面的海鮮飯及蟹肉飯便當, 晚上回家品嚐, 真係好好味 !

夏之北海道 ~ Day 3 (洞爺湖、登別、大倉山)

夏之北海道 ~ Day 3 (洞爺湖、登別、大倉山)

洞爺湖
早上才可以欣賞到洞爺湖的美景, 湖面波平如鏡. 附近的民居花園都種滿了花.

有珠火山, 熊牧場
途經有珠火山, 火山仲有煙出緊. 參觀附近的熊牧場.
我以為小熊會肥肥地, 得意咁. 點知小熊好瘦小, 叫聲又尖銳.
旁邊有啲大熊被困住係黑麻麻鐵籠內, 發出非常恐怖的咆哮聲.
如果係夜晚聽到, 都俾佢嚇死.

登別
步行入登別地獄谷, 觀看煙霧瀰漫的溫泉泉口.

登別伊達時代村
觀賞完忍者劇場後, 我地入左招財貓迷宮, 裡面有很多怪貓嚇你架.
忍吾住去食左串燒四兄弟, 飲杯綠茶. " 唔..... 好味 ! "

大倉山
我地自費坐吊車仔上去展望台. 企係展望台上, 可以睇晒附近的景色.
我又試左蜜瓜味雪榚, 蜜瓜味吾係好勁, 都 OK啦 !

果子王國酒店自助晚餐
這間酒店的自助晚餐好掂 ! 款色雖然吾係好多, 但係每款菜色材料及味道都係吾錯.
飲品任飲, 其中有士多啤梨香檳任飲. 成支拎番去開香檳 !             

夏之北海道 ~ Day 2 (小樽、洞爺湖)

夏之北海道 ~ Day 2 (小樽、洞爺湖)

白之戀人
~ 比較欣賞店內售買各種賣相非常精緻的蛋糕, 蛋糕好靚呀 !

~ 店舖外的花園, 種植了不同種類的花卉, 很漂亮 !

小樽
小樽音樂盒堂旁邊的就是蒸氣時計 (睇過冬天啲相, 好似冬天靚啲)
街道兩旁有些店售買即燒帶子, 價錢又吾係好貴, 即燒即食 !

音樂盒館內, 有不同種類的音樂盒, 睇到我眼花潦亂.
我最鐘意就係左下圖 ~ 貓貓型音樂盒, 用玻璃造出黎架 !
不過實在太貴啦 ! 吾捨得買 !

睇完音樂盒, 冇收獲. 轉去銀之鐘 3樓的露天茶座, 嘆杯橙汁, 食件蛋糕,
欣賞下小樽市附近景色. 這套茶杯, 飲完自己清潔乾淨, 就可以帶番屋企.

之後去左北果樓, 六花亭買小樽著名妖精之森 & 朱古力士多啤梨.
妖精之森 ~ 日本仔改啲名真係靚, 其實即係年輪蛋糕, 從德國傳入.

小樽運河
我覺得冬天落雪的時候, 小樽運河會靚好多, 浪漫好多.

小樽海鮮市場
海鮮市場魚池內有很多海鮮, 全部都是新鮮生猛.

我地選左一隻最平雪場蟹, 2隻海膽, 一個海螺
海膽細細隻, 但開左之後, 裡面原來好多海膽架. 
海螺剌身 ~ 嘩 ! 鮮味爽甜得不得了 ! 這個海螺真係好正 !
雪場蟹 ~ 蟹腳放在火鍋內烚幾下, 好味道 !
這餐食到辛水辛汗, 大熱天時食火鍋. 其實只食海鮮刺身都得啦 !

洞爺湖足湯、手湯
晚上住宿在洞爺湖溫泉酒店, 我地帶備了酒店小毛巾, 便出外找路邊腳湯
一試腳湯滋味. 原來係洞爺湖這個區內, 有很多路邊的公眾腳湯,手湯.
其實真係幾好, 如果冬天行行下好鬼凍, 走落去浸下腳, 浸下手. 即刻暖番晒!
我地兩人坐係度浸腳, 傾下計, 真係好鬼舒服 !
尢其係今日行左成日, 浸完之後, 隻腳鬆晒, 腳疲勞盡消 !
浸完腳番酒店浸溫泉, 睇煙花 !