日光浴於平安夜 ~ 包包 Version

日光浴於平安夜 ~ 包包 Version

今日係12月24日平安夜, 今天的天氣非常溫暖, 日光充足. 將窗廉布掛起.
等陽光曬入廳, 殺下菌趕走濕氣.

係呢個時候, 有一隻平時吾郁的懶貓包包..... 自動自覺埋位........
瞓正係太陽位置度.

仲要好快咁瞓左覺, 食左快眠精咁 !

瞓瞓下..... 開始忘我....... 擘大隻肥貓腳.........

係呢個角度影埋去, 包包真係有個肚腩突左出黎 !

包包瞓覺個樣幾得意, 不過吾知點解佢隻手要彎起, 如果放左落黎,
好似個人瞓覺, 仲得意呀 !

嘻嘻 !!! 手短腳短的包包 !!!

最後俾我不停咁笑佢, 包包終於俾我嘈醒左.

包包未瞓醒嘅貓樣.

2010新年冬日北海道 ~ 租車篇

2010新年冬日北海道 ~ 租車篇

關於北海道交通行走問題, 夏天咁就當然係租車好, 冬天的時候, 究竟係搭 JR好定係自駕好呢 ? 係這個問題上, 我地唸左好耐, 而之前見東瀛遊有一個冬日自駕遊講座, 咁就即刻去報名聽下, 聽完之後我覺得加深左係雪地駕駛的認識.

租 車公司 : 冬天基本上租嘅車已經配備了雪軑, 基本上要注意係保險問題, 有些有墊底費,   對物賠償每次意外(免責最高5萬日元) 即係自己至少要俾 5萬日元,其餘保險公司賠. 有一種冇墊底費, 即係吾需要俾任何墊底費, 保險公司賠晒, 呢種就要額外每日再付保險費. 免責補償費用：每24小時1,050日元. 咁當然寧願再付每日額外保險費, 如有突發事件, 吾駛自己再出錢.

雪軑 : 東瀛遊有埋個雪軑俾大家睇下, 摸下.

GPS 系統 : 東瀛遊整左個 demo 教大家點入電話號碼, 介紹一下個系統.

其實就最緊要係車速吾好咁快, 小心駕駛.

基於我地兩個吾想咁早起身追火車, 想自由啲, 同埋加上 Joe 司機都話冇問題, 吾駛驚.咁我地決定自駕遊.

2010 新年冬日北海道自駕遊 ~ 準備篇

2010 新年冬日北海道自駕遊 ~ 準備篇

Travel Plan :

Date	From	To	Hotel
Day 1	香港 - 東京 -	札幌	FINO Hotel
Day 2	札幌		FINO Hotel
Day 3	札幌	小樽	宏樂園
Day 4	小樽	層雲峽	大雪山莊
Day 5	層雲峽	知床 UTORO	知床グランドホテル北こぶし
Day 6	知床 UTORO	知床 UTORO	知床グランドホテル北こぶし
Day 7	知床 UTORO	阿寒湖	あかん鶴雅別荘　鄙の座
Day 8	阿寒湖		あかん鶴雅別荘　鄙の座
Day 9	阿寒湖	帶廣	十勝川温泉 三余庵
Day 10	十勝川溫泉	占冠
Day 11	占冠	札幌	Cross Hotel Sapporo
Day 12	札幌		Cross Hotel Sapporo
Day 13	札幌	東京 - 池袋	the b ikebukuro
Day 14	東京		the b ikebukuro
Day 15	東京	香港

Oscar 四歲生日 !

Oscar 四歲生日 !

8月25日 ~ Oscar 生日大日子 !
Oscar 又大一歲啦 ! 今年 4 歲仔呀 !
希望Oscar 貓體健康, 開開心心 !
Oscar 企定定與生日蛋糕合照 ! (這張好似證件相 ! 企定定好得意 ! )

Oscar : 有得食未呀 !
這個魔鬼蛋糕襯番Oscar. 不過大蛋糕係俾貓爸貓媽食嘅 !

Oscar 你就食呢個特別為你而設嘅 ~ 罐罐生日蛋糕.

以後吾駛買貓屋 !

以後吾駛買貓屋 !

以後吾駛買貓屋 lu, 可能會慳吾少 !
包包好鐘意膠袋, 一聽到膠袋聲, 就會即刻醒左, 走到你面前, 係咁咬膠袋角 

今次包包居然將膠袋當埋貓屋瞓.

仲瞓得好鬼舒服, 咪晒眼, 懶 enjoy !

大熱天時, 瞓膠袋, 焗 Sauna, 包包你係咪想瘦身 !

包包你咁鐘意瞓膠袋, 以後俾啲膠袋你瞓, 同阿媽慳吾少 !

食在澳門 ~ 阿曼諾葡國餐

食在澳門 ~ 阿曼諾葡國餐

晚上已經訂了 阿曼諾葡國餐, 我們到達時已經九時了, 好在 Van 一早在電話已經訂了乳豬 & 蜆. 因為待應都說, 好在我們一早訂了菜, 現在才來叫最出名的都沒有了.

這個葡式燒乳豬, 皮燒得好脆, 肉質美味. 令我不禁作了比較, 好食過黑沙海灘費蘭度餐廳的燒乳豬.

食在澳門 ~ 保記咖哩牛腩河 & 黑椒燒鵝

食在澳門 ~ 保記咖哩牛腩河 & 黑椒燒鵝

一日澳門行程裡, 去食了好有名保記咖哩牛腩河.

都幾辣架 ! 牛腩都幾肥. 不過都幾抵食 !

食在澳門 ~ 譚家魚翅

食在澳門 ~ 譚家魚翅

風球除下的星期六, 去了澳門一日遊, 探 Van & Ben 兼且食左幾餐地道美食.
下午落船已經 三時了. 好肚餓, 即去醫肚.
黎到這間 "譚家魚翅" 係紅窗門及蓬萊巷（福隆新街附近）新店

Model Oscar

Model Oscar

Model Oscar 擺左一個幾型嘅 Pose 俾 攝影師 (媽媽) 影.
三七面 + 射喱眼 

四六面 + 若有所思的表情

正面 + 呆呆地  ~ ~ 開始發呆 !

Oscar : 影咁耐架 ! ~~~ ( 開始吾耐煩 ! )

Oscar : 影完未架 !!! ~~~（發懶渣）露出尖牙 !!!　

新貓樹

新貓樹

新貓樹番左黎啦 ! 執左客廳的一角, 放左這個貓樹群在客廳.
各位貓主子都好俾面吓 !  初時淨係得 4位貓主子俾面.

之後就個個都去霸番個靚位先 ! 最開心係邦邦肯上貓樹玩.
因為邦邦成日坐係梳化後面, 現在佢肯出黎上貓樹玩, 真係太好啦 !

我梗係留左個最高嘅靚位俾 Mimi 大家姐啦 !  你睇佢瞓得幾開心 !

Oscar 就係兩個貓樹度, 飛黎飛去 !

驚青仔邦邦

呢個貓洞咁窄, 包包居然入到去, 仲瞓到咁冧.

吾知係咪天氣熱, 花花瞓到反肚.

Colin 啲毛毛長番 lu ! 佢啲毛都長得幾快 !

食在澳門 ~ 無招牌海鮮

食在澳門 ~ 無招牌海鮮

週末遊澳門, 哈哈 ! 有免費船票往澳門, 真係慳吾少. 可以用船票錢食餐勁.
今次澳門朋友仔 Ben & Van 帶左我地去威尼斯人商場裡面這間餐廳.
無招牌海鮮 ~ 這間餐廳在新加坡非常有名, 最拿手係烹調 " 蟹 "
Van 成日去澳門這間分店食蟹, 以解饞嘴之癮.

首先選左隻大蟹.

今次用白胡椒炒大肉蟹 ~白胡椒好惹味

嘩！這隻蟹蚶好大隻啊 ! 好多肉 !

叫左這個 " 麥片蝦 " ~ 非常好味 ! 蝦肉爽口 !

一隻蟹吾夠喉 ! 叫多隻蟹先 !
 ~ 辣椒汁煮蟹, 吾係好辣. 汁可以撈飯.

食左太多熱氣菜色. 食個西瓜解熱氣.