2012 新春橫行日本中部 (Day 2) (奧飛驒溫泉鄉 - 槍見の湯 槍見館) Part 2 - 夕食篇
經過行廊.... 原來步行入個室食事處, 我唸旅館係依據一齊入住的住客人數來安排.
經過行廊.... 原來步行入個室食事處, 我唸旅館係依據一齊入住的住客人數來安排.
每人前面都有一碟前菜, 左右兩邊分別係馬蹄, 不知名野菜. 中間係生牛肉剌身.
放在兩人中間係兩人 share, 全部都係不同的野菜.
右手面, 每人都有一個壺用火燒熱中. 倒出碗中享用. 原來係雞肉湯.
中間係朴葉味噲, 可以用來送飯.
食用中, 發現舖枱面餐紙係和式紙 居然畫有水墨龍圖案, 仲寫上2012年中國農曆龍年壬辰年份. 好有心思呀 !
初時以為呢餐淨食菜, 一定吾飽. 中途女待應送上一籃燒魚.
原來之前係大堂房間內見到插係爐邊燒魚, 係燒俾我地食架........
燒魚都幾大條, 幾多肉.
跟住茶碗蒸.
茶碗蒸都係一貫甜甜地味道.
正當我們以為應該食到尾聲, 仲唸住吾夠飽食多碗飯之際.....
女待應放低左一個大鐵鍋. 打開鐵鍋蓋子, 介紹這是 Sukiyaki 壽喜燒.
嘩..... 頂層牛肉片, 鮮紅色, 色澤好漂亮, 牛肉紋理很分明, 可以見到薄薄的脂肪層, 與肌肉相橫.
嘩..... 好期待呀 ! 我未食過 Sukiyaki 壽喜燒.......
等待期間, 叫了 熱清酒, 一邊慢慢食, 一邊傾下計, 飲下酒, 影下相.......
終於等到 Sukiyaki 壽喜燒 食得啦 ! 牛肉熟了, 急不及待, 試下先......
牛肉一入口, 唔..... 不得了..... 牛肉味香而濃, 肉質有彈性, 真係好好食呀..... 未食過咁好味牛肉......
我們三人都一致認為超好味 ! 我已經將呢種味道記入腦中, 不時回憶.
食多幾片牛肉, 我已經開始同我之前食過和牛作一個比較, 之前我食和牛係入口即溶, 因為脂肪層多.
呢種牛肉係食到有一種肉質感覺. 脂肪比例少. 不過我好鍾意食呢種牛肉多啲呢 !
第二日先發現原來我晚上食壽喜燒牛肉是當地飛驒牛肉, 旅館掛上一個牌 " 飛驒牛料理指定店認定 "
咁奇怪 ! 問下女待應酥皮湯裡面究竟是什麼東東 ? 一問之下, 女待應居然做出一個游蛙泳姿勢 !
吓 ! 青蛙酥皮湯 ! 大家七嘴八舌, 估這個是什麼古怪酥皮湯.
之後大家爭議左一陣, 女待應再入來, 拿出一張紙畫上 " 烏龜 " 公仔 !
吓 ! 酥皮烏龜湯 ! 吾係嘛 ! 之後我地都估日本人應該吾會食烏龜架, 可能外表似烏龜, 最有可能係水魚.
所以我地就當係 " 酥皮水魚湯 "
真係補呀 ! 水魚湯 ! 仲要用酥皮焗 ! 好特別料理方法. 日西式 fusion 補湯.
食完這個好補酥皮水魚湯之後, 送上甜品雪榚. 這一餐充滿驚喜美味的晚飯正式完結.
步行出食事處, 隔壁房間人都走了, 原來我們係最遲食完晚飯呀 !
走回房間走廊中, 有枱椅可以坐係度傾計.
回到房間, 已經舖好床舖.
我地當然吾會咁快睡覺啦 ! 休息一陣 ! 再出去浸槍見館露天秘湯.
~ 2012 新春橫行日本中部 (Day 2) (奧飛驒溫泉鄉 - 槍見の湯 槍見館) (Part 3 ~ 露天秘湯篇) ~ 待續........
沒有留言:
張貼留言