2012 新春日本中部(Day 2)(奧飛驒溫泉鄉 - 槍見の湯 槍見館)Part 1

2012 新春橫行日本中部 (Day 2) (奧飛驒溫泉鄉 - 槍見の湯 槍見館) (Part 1 ~ 房間篇)

終於到達 槍見の湯 槍見館,  位處山坡上, 山坡之下是一條小河流.

旅館門口掛上一個 " 日本秘湯を守る会 " 燈籠.

旅館大堂處 ~ 日本農村簡樸風味, 好溫暖感覺.

有 兩個用樹木做成, 盛滿各種飲品, 用溫泉水暖熱飲品, 感覺上好似係任你攞, 不過攞左飲品, 記得係櫃檯處冊子上寫低房間號碼, 攞左什麼飲品, check out 時候先收你錢, 晚上時候大堂冇人架, 我地都非常自律寫低攞走幾多支飲品架, 記憶中, 我都幫襯左吾少, 都有 7-8 支飲品. 浸完溫泉好想飲嘢降溫. 

大堂另一邊有一道好有特色的門.

另一邊有一間房間, 中央有一個圍爐. 之後晚飯, 我見插左幾條燒魚.

今次經 " 日本秘湯を守る会 " 網站 預訂左兩間不同房間.

原本唸住訂一樣和室, 但係係呢個網站訂, 每種房都只有一間房, 碰巧當日只剩這兩種房.

1) 普通和室

2) 離れ（専用露天風呂・トイレ付)

因為兩間房間都在不同兩邊, 所以先同父母分別回自己房間先.

我們住和式房間在二樓, 二零七房, 燒岳.

一入房間... 都好吾錯呀 ! 呢間和式房間有一個暖爐.

窗外可望到山坡下溫泉小屋.

洗面台水流要長開小水柱, 因為驚水管凍結.

衣櫃內有兩件大綿外套, 有浸溫泉小竹籃. 呢件大綿外套真係好得, 深夜時份穿上呢件大綿外套行出零下幾度室外, 真係好保暖. 真係堅呀 !

未夠時間食晚飯, 坐低飲杯茶, 睇下旅館溫泉地圖先.....

槍見館露天風呂差不多廿四小時都可以去浸, 由入住一刻起可以隨時去浸直至第二日十時前.

有兩個溫泉要維修. 其他都可以浸呀 ! 

睇埋旅館地圖先. 一樓原來得六間房間.

二樓都有十間房間.

出發行去爹地媽咪房間先. 先穿上旅館木屐.

經過長長走廊, 下樓梯.

走廊燈罩好懷舊呀 !

終於到左 一一二  " 霧 "

咦 ! 一開門, 原本此房採用半層半層複式設計, 每上一層都要上5-6層樓梯. 媽咪已經話好多樓梯行呀, 去厠所要落樓梯, 上睡房要上樓梯. 我心唸 : 我鬼知咩, 我都吾知佢係複式設計, 不過呢間房有驚喜, 我就覺得吾錯, 比較適合兩小口子, 夫婦, 情侶. 一家人都可以, 小朋友比較大好啲, 因為有樓梯.

講番一入門口, 左手面落樓梯係洗手間.

經過洗手間, 有一道門出私人溫泉.

推開門... 不禁嘩然..... 吾係嘛.... 咁大個溫泉.... 旁邊仲有好多大石圍住.....

估計可以容納六至七人可以好舒適每人各佔一角浸溫泉呀 ! 

中層係日式客廳, 如果有四人入住, 呢層可以舖 tatami 睡覺.

最上層睡房, 係西式睡床, 紫色被子... 我好喜歡呀 !

今晚晚飯 7:30, 係大堂等入座食飯.  只得我地四人係度等, 可能我地係最遲 check in.

大堂中央擺放好多對雪鞋, 如要出外浸溫泉, 就要係呢處換上雪鞋.

食事處入口. 聽到食事處內已經有人進食晚餐.

食事處入口旁邊小賣店, 好多飛驒寶寶.

窗旁有一排坐位.....  日間坐在這裡, 可以欣賞外面河流雪景. 

終於等到有人出來帶我們去食晚飯地方.... 咦..... 行另一邊路, 吾係係食事處入口..... 咁奇怪.... 究竟帶我地去邊度食晚飯呢 ? 

 ~ 2012 新春橫行日本中部 (Day 2) (槍見の湯 槍見館) (Part 2 ~ 夕食篇) ~  待續........