2010新春橫行北海道 (Day 8) 阿寒湖冬華美 & 鄙の座設施篇

2010新春橫行北海道 (Day 8) 阿寒湖冬華美 & 鄙の座設施篇

16/2/2010 (年初三) Day 8 晚上.

食完個飽到上心口嘅晚餐之後, 就換上禦寒衣物, 去參加阿寒湖冬華美.
行到落去湖面度, 已經好多人..... 仲有好多人都係講廣東話....

好多人都圍住個大火爐係度取暖.  等睇煙花....
係個冰湖面上睇煙花.... 真係好近.....
一路睇一路唸緊, 係冰面上面放煙花係得嘅咩 ?
放煙花啲聲浪好大聲嘅喎 ! 吾怕嘅咩 ? 

嘩........ 今晚係 -17 度.... 吾係掛.... 我未試過咁凍喎.

影下冰中花....

玩下鏟冰.

試玩冰壺.... 學下啲冬季奧運會 ~ 冰壺選手先.... Yup.. Yup...Yup...Yup...

呢張扮冰熊....

玩到最後...唸住買張冰點休驗証明... 點知店員趕住收工... 話最後呢張免費俾我地拎走. 好開心 !　

一路行番去酒店, 真係覺得呢個 -17度真係有料到... 凍到塊臉郁吾到... 講嘢塊面係彊左.... 冇表情... 超凍... 頂吾順..... 凍到要自打兩巴掌令到塊面暖啲....
我先生問我點解吾出聲傾下計..... 我唯有用喉嚨出聲答佢 : 我凍塊面硬左... 吾想講嘢.. 淨係想快啲番酒店.... 
由湖面行番去鄙の座, 影番張鄙の座外觀

番到上酒店房, 唸住即刻沖涼...浸過私人溫泉先....
點知發現開吾到玻璃門... 開極都開吾到. 唯有叫人上黎搞搞佢....
佢地都好快派人上黎... 攞左盆熱水加毛巾.. 放係門邊位度..
原來今日太凍..... 凍到門邊都結左冰開吾到門....
整左一陣... 就開左沖涼房度門... 再開沖涼熱水射出外度門, 就開晒啲門了.

嘩.... 出面真係好凍... 係 -17 度氣溫下除衫浸溫泉, 真係要好大勇氣 !

但係個沖涼房實在太凍, 出面啲冷風係門隙吹入黎... 太凍呀. 我沖吾到涼呀.
最後我地決定一齊去酒店公用溫泉度沖左涼先, 個度應該冇咁凍....
沖涼順便可以浸埋酒店溫泉. 不過之前就落去大堂行下先, 順便浸過足湯先.
大堂的聽音樂地方....

熊木雕好靚...

阿寒湖百年水 ~ 有杯可以飲用. 我都試左一杯. 幾清甜.

足湯「和気の湯」
係足湯自動門前, 有一個暖櫃, 裡面有啲熱罐裝烏龍茶免費供應俾住客, 俾你一路浸足湯.. 一邊飲茶 ! 我地都攞左罐茶拎去飲.
 一入到足湯... 嘩 ! 凍到媽媽都吾認得 !佢仲開晒啲門, 原來佢係直通戶外, 我地完全吾記得左現在係 -17度 !!!  我地快快推埋啲門, 浸下足湯先. 但係我地只係穿左浴衣. 實在難頂 -17度溫度, 我地以超快速度離開現場 !

跟住我地直上酒店溫泉, 儘情利用下溫泉設施先.
6階 石室の湯 銀の雫
利用時間／女性 14:00〜22:00　男性 22:30〜翌11:00
我係女性轉場時間前, 周圍參觀並且快拍左幾張.
石室の湯 銀の雫 係室內溫泉.

岩盤浴場

到左轉場時間後, 我去左 7階 石室の湯 金の弓
利用時間／男性 14:00〜22:00　女性 22:30〜翌11:00
7樓 溫泉係有室內 & 露天風呂.
我在室內浸熱左個身先.....

再出露天風呂浸.... 又OK喎 ! 吾係好凍 ! 仲好正呀 !
望住遠處其他酒店天台都有好多溫泉煙霧.... 感覺好似千與千尋卡通內嘅湯屋咁 !

呢個係７樓的岩盤浴場, 好大呀.

呢個化妝間真係好正, 所有設備齊全, 最正係冇人同我爭, 可以慢慢吹下頭, 磅下重, 飲下百年水咁 !

番房之後, 出左露台睇下風景, 又好似冇咁凍喎, 即刻浸下個私人風呂, 終於可以享受到呀 ! 真係好驚浪費左呢個私人風呂.

浸完之後, 就要睡覺呀 ! 好喜歡佢用綠白色相間的被.
今晚睇完冬華美之後, 淨係沖涼同浸溫泉都搞左一大輪, 好夜先瞓.....

自拍左幾張和風味道的自拍照.......