北海道 ~ 已經想去很耐了 !
想去睇花田, 食長腳蟹, 品嚐美味夕張蜜瓜, 食蜜瓜雪榚, 薰衣草雪榚, 北海道拉麵........ (滿腦子都是食.......)
原本想自駕遊, 不過計條數, 好鬼貴. 超晒預算.
咁唯有跟東 x 團, 平好多又食足咁多餐,
仲有吸引我原因 ~ 就係 "任食夕張蜜瓜" !!! 唸起都流口水 !!!
終於........
今次坐商務位, 因為遲左報名無位, 唯有報商務位團費.
機程 5小時, 幸好座位非常闊, 坐得比較舒服.
終於抵達札幌機場, 估吾到這裡氣溫超涼快, 凍凍地 !
去到酒店, 已經天黑, 當地晚上氣溫非常涼快, 無帶厚外套, 唯有忍凍.
今晚晚餐係北海道拉麵.
拉麵中我最喜愛 九州豬骨湯底及味噌湯底.
北海道味噌海鮮拉麵, 唔......... 好味 ! 湯底好味 ! 飲埋啲湯.
食完麵, 飽飽行街街. 札幌最旺條街, 都吾係好多行人.
行下超市, 見到有夕張蜜瓜, 不過我要留番個肚等幾日後的任食呀 !
係一間百貨公司內, 有個小池 " 神之魚 " 你只需付出 1,000 Yen
可以俾這些神之魚咬腳10分鐘. 本來想試下, 不過都係行下街算吧 !
沒有留言:
張貼留言