今次呢程機票係年頭 CX 賣 Premium economy class ~ 1程長途 + 1 程亞洲短途特惠機票, 長途個程3月去左德國公幹, 亞洲短途原本想去札榥, 不過冇位訂不到位, 只餘下名古屋有位, 所以變左去名古屋, 不過想去北海道心癮起, 所以自己再買多程內陸機 ~ 名古屋 -> 札榥. 再次我又好想去睇下夏天的知床, 所以又買多程 札榥 -> 女滿別 內陸機.
Day 1 ~ 香港 -> 名古屋
check in 時侯, 先知道被 upgrade to business class,好開心, 第一次被 upgrade. 不過就冇 Lounge card, 不過冇所謂.... 先去翠華食過早餐.
今次座位係 1-2-1, 座位相比今年新年去馬爾代夫香港航空A330 濶得多, 走廊空間都濶啲.
飲杯香檳先....
前菜
日式焗鯖魚 ~ 都 OK ! 
話咁快 3個半小時過去.... 到左名古屋機場, 先去內陸機櫃枱寄行李 check in, 之後再上3樓食個下午茶, 對上一次到名古屋機場已經有2年了, 機場都有新改動, 其中出境個層有一間好大賣本地手信店舖, 可以最後一日再買食品.... 下午茶時段.... 我地選左呢間名古屋名物 ~ 饅魚飯
饅魚飯有分 大, 中, 細... 我地選左細饅魚飯.
wow...將饅魚和飯攪拌一起, 饅魚燒得香脆美味.... 我本身吾鐘意食饅魚都覺得燒得好好食, 冇腥味兼且好香脆, 拌飯一流, 最後淋上湯變成湯飯.
再搭下午6:00 JL 3115 名古屋中部機場 ->新千歲機場
到左新千歲機場已經 7:30, 快快去搵餐廳食晚飯, 因為好多都 8:00 last order.拎住行李, 好快咁衝左入去 どんぶり茶屋, 叫幾個海鮮飯止渴先....
呵呵... 好耐冇見嘅海膽三文魚子飯.... 毛蟹飯..... 雖則毛蟹細細... 吾緊要最緊要有得食
不過海膽食落好似吾係好新鮮, 三文魚子及毛蟹都 OK !
今晚宿於札榥機場酒店, 房間冷氣好弱,.
待續 ~ Day 2 : 新千歲 -> 女滿別機場 -> 知床
出發的好開始, 有得upgrade...
回覆刪除咁短時間都可以去到咁遠, 正呀!
都可以講好的開始呀!
刪除