2012 新春日本中部(Day 9 & 10) 鳥羽水族館(近距離接觸海象), 伊勢海老午餐, 長島, 名古屋鐵道館

2012 新春日本中部(Day 9 & 10) 鳥羽水族館(近距離接觸海象), 伊勢海老午餐, 長島, 名古屋鐵道館

2012 新春日本中部(Day 9) 鳥羽水族館, 伊勢海老午餐, 長島outlet

一早起來, 行出去食早餐, 今天好好天氣呀 !

離開酒店, 出發往水族館, 只需 5 分鐘車程, 好近......

鳥羽水族館     Tel : 0599-25-2555
入場 : 2400 Yen
駐車料金  : 2時間 500円 以降30分毎200円




鳥羽水族館真係來到伊勢必去的地方, 因為館內魚類, 動物品種好多, 表演都令人有驚喜.

首先入到去我地出左去一個戶外地方, 就見到隻海獅好惡死咁大叫... 好驚呀.. 好似趕我地番入去咁...

跟住去左睇海豚

呢隻海豚真係好百卦... 成日望住我地同佢影相.... 又識擺 post...... 成日游埋來望住我地....

真係好可愛.... 係呢度同佢對望左 半小時.....

跟住去左睇美人魚

美人魚.... 原來食草架.... 咁大隻都係食草....

仲有呢隻海象拎住牌白色物體, 好似拎住部 ipad 咁 游來游去...

水族館都有養鳥類....

排排坐等睇表演, 以為係企鵝..... 點知原來係大海象..... 第一次睇咁近睇海象表演....

兩隻海象一出場.... 眾人都嘩嘩聲....

表演到尾聲, 可以俾觀眾摸摸佢....

我又摸...... 摸.....

最後仲可以合照...

是日午餐 ~ 伊勢海老

蒸龍蝦, 蠔......

最高個層係蔬菜.

第二層係伊勢海老

第三層係蠔.

今餐蠔就最好味, 反而伊勢海老就不過不失....

是日晚上宿 : 長島 ホテル　ナガシマ

2012 新春日本中部(Day 10) 長島 ->  名古屋鐵道館 -> 名古屋機場

名古屋鐵道館      入場費 : 1,000Yen

Parking : モノづくり文化交流エリア(リニア･鉄道館)  MC : 152477615*36

普通車：当日１日１回 ７００円

一早從長島駕車去鐵道館, 大約半小時, 早上去到吾係好多人. 不過再晏些, 就開始好多人一家大少來參觀.

我不是一個鐵道迷, 但係係官網上睇到有三十多部實體火車展示出來, 並且你仲可以走入內參觀, 所以就好想來參觀一下.

一入鐵道館, 就展示左三部火車, 一部蒸氣火車, 兩部是最先進火車, 你仲可以係前面同火車合照.

有一個角落, 係可以整一張有你名字的火車票. 仲可以選由那裡去那裡, 仲有可以選埋坐位. 好得意.

另一個館就放左十多架火車, 由二樓影落去最好.

參觀完鐵道館, 出發往名古屋機場, 搭下午機回香港.


2012新春橫行日本中部1,391公里 Day 1 - 10 (完)