2012 京都追櫻之旅 (Day 1)
(關西機場-> 京都-> 清水寺夜櫻 -> 円山公園 -> 祇園白川宵桜)
公眾假期第一天, 早上8:00 印度航空 香港 -> 大阪關西機場
今次呢班印度航空, 機上有電視睇喎.... 座位都幾濶, 都吾錯.
電影有印度電影, 睇左印度 music video, 好搞嘢, 好勁舞蹈, 睇得好開心 !
(關西機場-> 京都-> 清水寺夜櫻 -> 円山公園 -> 祇園白川宵桜)
公眾假期第一天, 早上8:00 印度航空 香港 -> 大阪關西機場
今次呢班印度航空, 機上有電視睇喎.... 座位都幾濶, 都吾錯.
電影有印度電影, 睇左印度 music video, 好搞嘢, 好勁舞蹈, 睇得好開心 !
早上的早餐. 都ok啦 !
不過呢班機, 機上大多數都係日本人, 其次香港人, 我數過..印度人得4-5人.....
去到大阪都係 12:20, 過關吾係好多人, 好快, 半小時過關, 攞埋行李, 中午1時多出到來.
先去Softbank 租張 iPhone 卡先, 每日租卡費 105 YEN/ 日, 另外上網費都係最盡都係以1,500日元/天为上限.
其實出發前2天, 我上網搵到一間仲平過 Softbank的, 但係要3天前上網預約.
是日午餐
関西空港 → 京都
特急はるか Kansai Airport Express Haruka
搭 14:16
指定席 3,690 Yen
大概3:30 到京都駅了
京都塔
時間尚早, 首先去京都觀光案內所, 睇下有什麼資料攞......
仲有呢個櫻花情報告版..... 睇黎要改下原本行程, 邊度有櫻花睇就去邊度.......
之後去伊勢丹超市買啲生果先..... 士多啤梨......
之後出發去酒店 Check in, 途中經過東本願寺, 居然有隻鶴.....
Hotel Kanra Kyoto ホテル カンラ 京都
京都駅(JR)中央口 徒歩8分
五条駅(地下鉄烏丸線) 8番出口 徒歩1分
呢間酒店會住3晚, 素泊. 用新年去中部時候儲 JALAN 積分扣. 扣左之後房租尚算可以.
而且櫻花期間, 京都酒店普通的都要 20,000 Yen 以上......
另外, 選呢間酒店係俾佢呢張超大張床相片吸引......
係路口7-11 便利店轉入去, 入口好鬼祟.
呢度酒店員工英文好好, 而且好多外國人住.
今次住三樓, 一入門口, 直望..... 真係好大呀 !
呢張大床.... 我估計有八呎濶, 可以瞓一家三口.
有個客廳仔, 張梳化好好坐.....
浴室 ~ 一邊係檜木浴池.....
另一邊係淋浴設備.
係酒店坐左一陣, 就要出發去今晚景點, 行番出去京都駅巴士站搭巴士.....
京都市営バス・ 206 7 停留所目 五条坂 落車 徒步10分鐘清水寺
清水寺夜間特別拜觀
其實係清水寺, 吾係好多櫻花開左, 得幾棵....
打左啲燈係樹林度, 遠望好靚.
夜間京都真係好鬼凍, 完全冇唸過得幾度.....
食番條魚旦暖下先......
清水寺 -> 二年坂, 產寧坂
行行下, 成條街冇人.
經過高台寺 -> 円山公園
原本靜俏俏的街道, 開始聽到好多嘈吵玩樂聲.... 漸漸接近円山公園.....
嘩.... 好多人夜晚係公園聚集.......
円山公園 ~ 垂枝櫻
係今晚見到最大棵的櫻花, 並且開左一半.
公園內的夜間小食檔.
行到腳仔軟, 搵個櫻花樹下坐位, 坐低食碗烏冬, 飲杯啤酒, 感受下氣氛......
由円山公園 -> 八坂神社 -> 祗園商店街
衹園商店街 (四条通) -> 中間花見小路通 -> 祇園白川
祇園白川宵桜
望入去, 見到有一位藝技背住坐.
呢棵櫻花好似把傘咁....
望上去, 滿天都是櫻花......
行完祗園白川, 過埋鴨川橋過對面四条河原町, 木屋町通再食宵夜 .......
黎到呢間食壽司, 用 iPad 落 order.
壽司好新鮮....
搭地鐵番酒店, 回到酒店, 再食番士多啤梨.....
今晚已經行到成對腳好似不屬於自己了......
2012 京都追櫻之旅 (Day 2) ~ 待續 .......
沒有留言:
張貼留言