北海道溫泉體驗 - (Day 3) 朝里川溫泉 - 宏樂園(1)

北海道溫泉體驗 - (Day 3) 朝里川溫泉 - 宏樂園(1)

11/2/2010 Day 3 - 朝里川溫泉 - 宏樂園

今次計劃這個北海道之旅, 要睇雪, 睇流冰, 睇天鵝, 睇丹頂鶴, 浸吾同溫泉. 體驗吾同溫泉, 今次旅程都可以說是溫泉養生之旅. 整個行程住5間溫泉旅館, 浸吾同泉質的溫泉.

宏樂園溫泉旅館的住宿, 我已經早在10月的時候通過電郵向旅館預訂房間了. 過左2個月我曾經要更改住宿日期, 好好彩當時都仲有房可以俾我改日期.

等左幾個月, 等到頸都長左, 終於今晚可以入住這間溫泉旅館, 仲可以試埋部屋食.
我都係第一次住這類型傳統溫泉旅館.

由小樽往朝里川溫泉區, 其實大約半小時到達. GPS 又帶我地行埋啲小路捷徑. 出左小路轉大路, 一出就見到呢個大招牌 " 宏樂園 "

擺低行李, 先去前堂部, check-in 先, 呢個就係宏樂園大堂.

有專人車我地行李去今晚我地住有露天風呂附房間 " YANAGI "
呢間房都好大, 可以住到4個人.

嘩 ! 露天風呂. 好正呀 ! 望住雪景.

露天溫泉真係好正 ! 真係好想浸, 不過好肚餓, 都係食左晚飯先, 之後先至安心慢慢浸.

晚上準時6時, 旅館人員入房為我們準備好今晚部屋食.
晚餐菜單.

擺好晒陣, 擺到成張枱都滿晒.

原本我想跟住張菜單逐樣逐樣黎食, 不過食食下, 我都係鐘意見到邊樣就食邊樣.
餐前酒, 及先付.

魚生剌身.

有呢個飽魚漬.

和牛陶板燒.

黑毛和牛.

實在太肚餓, 狂風掃落葉, 成枱食物, 我地只用左半小時清晒枱面食物.

叫人黎收拾碗碟, 居然帶埋個飯後甜品同宵夜.

宵夜 - 腐皮壽司. 真係太多嘢食啦 !

收好碗碟, 舖好床舖.

我地都準備好快啲去浸下露天溫泉.