貪食鬼Oscar 的試煉

貪食鬼Oscar 的試煉

最近我地日日都返屋企煮飯仔,

開飯的時候, 梗有Oscar 係左近

Oscar 坐係按摩椅, 望住佢老竇食飯, 眼都吾眨

用含情蜜蜜的眼光望住佢老竇, 希望可以俾佢食少少

我地成日整鬼佢, 拎隻雞脾骨試驗下 Oscar 先.

放低啲... 放低啲..... 引誘 Oscar !

Oscar 真係聞架, 仲 lam lam 脷, 之後就一口咬落去, 好大力架 !

我地梗係吾俾 Oscar 食, 即刻收番起 " Oscar 你吾食得架, 我地就食得 "

你地睇下Oscar 想搶食個樣, 幾惡啊 !

邦邦近照

邦邦近照

,

邦邦受傷的嘴仔已經痊癒, 生番啲毛毛出黎啦 !

大家睇下邦邦個嘴仔條傷痕已經睇吾啦 !  吾駛做疤面邦 !

這幾個月, 我不斷俾營養餐俾各位主子食, 而增肥成功的有邦邦 !

果然對於未夠一歲的貓貓開始嘅儲肥計劃係比較成功的.

邦邦每次食罐罐, 佢都係食到最後, 食完自己個碟, 之後再食其他貓地個碟

非常食得, 好好胃口架 ! 食到漲爆的肚仔, 摸落去漲卜卜, 好得意啊 !

漲爆肚仔相未有得住, 因為邦邦吾鐘意影相, 一見我拎起相機影佢,

即刻走貓, 好難先影到這幾張.

咪起眼睛的邦邦

肥手一隻

日本九州之旅 (Day 4 & 5)

日本九州之旅 (Day 4 & 5)

日本九州遊記最後一篇送上, 差些又難尾.

日本九州之旅 (Day 4 & 5) (2007年7月)
Day 4
早上去了福岡的天神地下街, 自由購物, 我之前已經上網找了 pet paradise 的地址, 解散後即一支箭般去了買貓貓衫及走貓袋. 不過只有二小時的自由購物時間, 係不足夠的. 無奈...... 跟團是這樣的了......
午餐 ~ 燒肉午餐
團餐 ~ 兩人一碟豬肉.

是日午餐仲加左之前訂的  ~ 神戶牛柳
我地係第一次食, 驚一塊兩個人分吾均, 所以訂兩塊, 一人一塊吾好爭
嘩 ! 這個神戶牛柳, 雪花分佈非常均勻

切開後, 一塊變左5小塊, 好在訂左兩塊, 如果吾係實爭食啊 !

神戶牛柳果然正 !!!! 入口即溶 ! 牛味好強呀 !

下午往三井動感樂園 ~ 小狗樂園及動物園

中午去到, 隻隻狗都在午睡.

Day 5
霧島神宮

參觀牧場

免費的滑草 ~ 呢個斜坡滑草真係幾正, 不過滑完上番黎都幾係呀 !

牧場的牛奶雪榚, 好濃的牛奶味呀 !

牧場參觀完畢, 便直往機場返香港啦 !
< 日本九州之旅 ~ 完 >

朱古力芒果流沙蛋糕 Chocolate Mango Lava Cake

朱古力芒果流沙蛋糕 Chocolate Mango Lava Cake

好耐都冇去整蛋榚, 適憑父親節,

去學整這個專為父親節而設 

" 朱古力芒果流沙蛋糕

Chocolate Mango Lava Cake "

以芒果流沙餡為特點的朱古力慕士蛋糕

產生出一種獨特的口感

蛋糕面上配以朱古力做的眼鏡裝飾

夠晒特別啊 !

返到爹地屋企, 即刻拿出黎品嚐

唔.......... 食一口, 朱古力蛋糕內有芒果流沙流入口中,

好似食緊流沙包, 不過這個係凍吾係熱

朱古力眼鏡係用真眼鏡 1: 1比例做模,

用朱古力雪凍做出來的.

朱古力慕士蛋糕 + 芒果流沙餡

Very good & 非常特別的味道 !!!

恐怖的貓臉 ~ 睡覺中

恐怖的貓臉 ~ 睡覺中

一個炎炎夏日的星期天, 外面是酷熱的氣溫

但是在由莉詩部屋裡, 是一個涼風浸浸的家

在一個非常舒服的環境下, 貓地就會瞓覺瞓出不同的姿勢

通常都係可愛的睡姿.........但係以下這個.........

我見到都嚇左一跳

, 因為 Mimi 瞓覺個樣實在太過恐怖

估吾到平時好淑女形象的 Mimi, 瞓覺瞓到冇晒儀態 

反肚, 反手, 瞓吾眼閉的半開眼, 仲有爆左隻牙出黎......

好似鬼片裡面個啲.....

吾知 Mimi 發緊什麼夢呢 ? 個貓樣瞓成咁 ?

俾我不停影相, 終於嘈睡左.

這個先係正常的可愛貓睡姿.